IDE ABRINDO BOCA

HOMENAXE A ROSALÍA

                 Hoxe 21 de marzo, DÍA DA POESÍA, celebrarémolo na Biblioteca cun homenaxe poético á ROSALÍA DE CASTRO, da cal celebramos este ano o 175 aniversario do seu nacemento. Este homenaxe prolongarase os vindeiros mércores e xoves e nel participará todo o alumnado do centro. Aquí tedes o programa de como nos imos a organizar:

UNHA REUNIÓN DE BIBLIOTECARIOS/AS MOI ESPECIAL

O pasado 19 de marzo reunímonos os equipos de biblioteca de varios coles da zona de Vigo, Nigrán e Baiona nunha Biblioteca pero que moi especial, a Biblioteca do CEE de Panxón. Enlazamos coa fermosa montaxe que fixo a nosa compañeira, e alma do grupo, Ángeles do CEIP Emilia Pardo Bázán.

EUROPA EN VERSIÓN PUZZLE

Aprende máis sobre os paises Europeos, onde están situados, as súas bandeiras, superficie, nº de habitantes e de paso divírtete.

VAIA AGASALLO!!!

            O QUIJOTE INTERACTIVO é un proxeto que permite acercarnos á primeira edición que se fixo da obra do escritor Miguel de Cervantes (as de Madrid de 1605 e 1615)que se conserva nos fondos da Biblioteca Nacional de España. É un agasallo fantástico, é como se poidésemos ter a obra nas nosas máns. Pero inda máis podemos ver fotos, gravados, mapas... que nos axudan a coñecer más cousas sobre a obra.

         

   Para poder velo preme na imaxe:

 

 

SALÓN DO LIBRO 2012 PONTEVEDRA

   

      Do 1 ao 31 de marzo celébrase en Pontevedra un acontecemento moi importante arredor do libro: trátase da edición nº 13, ou mellor 12+1 da edición do SALÓN DO LIBRO INFANTIL E XUVENIL DE PONTEVEDRA, unha cita xa clásica e un espazo maravilloso para o mundo que xira en torno as letras eo fantástico. Este ano, a que non adiviñades cal é o tema central ? Non sei se é un casual pero é un tema moi parecido ao que estamos a traballar este curso no noso cole pero eles titúlano 12+1(e que o 13 seica da  mala sorte): O Salón indagará nas supersticións, de onde veñen estas crenzas, na importancia dos números nos contos, na boa e mala sorte, e nas historias dos nosos maiores e como se trasladan á literatura infantil....

CONVIVENCIA COA ESCOLA INFANTIL LÚA

       O pasado venres tivemos unha xornada de convivencia na que participou o alumnado de Educación Infantil do noso centro e os cativos de 2 anos da Escola Infantil Lúa. A Biblioteca colaborou cunha pequena adaptación en guiñol do conto " A tartaruga que quería durmir " na que colaborou o alumnado de 5º. Gracias pola vosa colaboración!!! Pasamos unha mañá moi agradable .... e logo chocolate e biscoitos para todos.Se queredes ver a obra, podedes facelo a continuación:

E A OS DE SEXTO TAMÉN NOS TOCOU...

     Neste curso decidiuse sistematizar ao final de cada un dos ciclos as visitas guiadas á Biblioteca Nodal de Vigo, que como xa sabedes é a Biblioteca Central da nosa cidade. A visitdúas a co curso de 6º realizouse o pasado venres 24 de febeiro e realmente foi un éxito, despois de dúas horas alí dentro non queríamos voltar á escola e queríamos continuar naquel mundo fantástico. A verdade é que as monitoras que nos esperaban eran moi agradables e aprendimos moitas cousas sobre a hiostoria do edificio, o funcionamento da Biblioteca, que podemos atopar nela..... puxéronnnos en varios grupos e logo fixemos un xogo de búsqueda en relación coa formación de usuarios... e deixánonnos unha selección de libros con pops-up extraordinaria que fixeron a delicia de todoa/as os que alí estabamos.

 

O PERIGOSO CAMIÑO AO COLE...

       As veces non nos paramos a pensar, pero somos uns privilexiados. Imos ao colexio en Bus escolar ou traennos os nosos pais no coche ou ao peor vimos andando 400 ou 500 metros por camiños asfaltados. Hai moitos nenos e nenas do mundo que para ir a súa escola teñen que camiñar moito tempo e por lugares perigosos, as veces durante horas.... que non me credes!! O pasado domingo saiu un pequeno artigo na revista dominical xlsemanal no que nos conta as peripecias que teñen que facer os rapaces e rapazas dunha pequena aldea de Indonesia (Lebak na provincia de Banten) para asistir ao cole. Vede, vede e logo me contades a vosa opinión a través do Blog da Meigatintureira.

UNHA DE NAMORADOS NOS MÉRCORES LECTORES

O 15 de febreiro celebramos o noso particular San Valentín na Biblio... Queres saber que ocurre cando CANDO UNHA CORALINA ATOPOU UN SERALÍN...Non deixes de pedir o libro na Biblioteca se non poideches asistir á pesentación do conto o pasado día 15 de febreiro:

OS DE SEGUNDO TAMEN FOMOS... Á BIBLIOTECA

¿Queredes saber cousas sobre a Biblioteca Central?¿onde está situada?¿quen a deseñou?... Preme na seguinte imaxe para poder velo con máis detenemento.

 Os rapaces e rapazas de segundo tamén fomos á Biblioteca Central e o máis cursioso de todo é que teñen os materiais separados casi igual que a nosa Biblioteca do Cole. ¿Poñeríanse de acordo?.

VISITAMOS A BIBLIOTECA CENTRAL COS DE INFANTIL 5

         Os rapaces e rapazas de Educación Infantil de 5 anos visitaron a Biblioteca Central de Vigo dentro das visitas organizadas para o alumnado en colaboración coa citada institución. Trátase dunha visita ao final de cada un dos catro ciclos da escolaridade que están na escola. As actividades propostas son diferentes según se trate dun curso ou doutro. Están integradas dentro do programa de Formación de persoas usuarias que se leva a cabo dende a Biblioteca do centro.