OS ALUMNOS DE 2º NA BIBLIOTECA CENTRAL...

Inda que a Biblioteca da Meigatintureira parécenos moi grande, o outro día leváronos á Biblioteca Central de Vigo, no Casco Vello da nosa cidade... Iso sí que é unha Super Biblioteca con tres plantas e todo. A nós deixáronos ver soamente a do sótano que é a zona Infantil e xuvenil, pois nas outras había xente estudiando, lendo ... xa sabedes nas Bibliotecas hai que estar en silencio....

22 de Marzo: Día mundial da Auga

Hoxe 22 de marzo é o DÍA MUNDIAL DA AUGA, e as Nacións Unidas adícano á importancia da calidade da auga baixo o lema : " AUGA LIMPA PARA UN MUNDO SAN ". Non so é importante a cantidade de auga senón tamén a calidade, a conservación dos ecosistemas e a prevención da contaminación.

Temos que recordar que según datos de varias ONGs cada día morren no mundo máis de 4.000 nenos por enfermidades relacionadas coa contaminación da auga.

O lema deste curso é " Unha gota de auga, unha gota de vida", lembrades?.

Podedes ver o resultado das propostas de traballo na aulapara o segundo e terceiro ciclo, na seguinte presentación:

21 de Marzo. DÍA MUNDIAL DA POESÍA

A UNESCO, organismo encargado da educación, a ciencia e a cultura, declarou o 21 de Marzo como o Día Mundial da Poesía, durante a 30ª reunión celebrada en París en Novembro do ano 1.999.

Irina Bokova, actual Directora Xeral da UNESCO, redactou unha mensaxe para este día, da que entresacamos este pequeno párrafo:

Neste Día Mundial da Poesía 2010, lembremos que a poesía é un territorio universal onde os pobos poden atoparse mediante palabras de todas as cores, ritmos e sons. Palabras, que calqueira que sexa a lingua da que brotaran van moi lonxe en pos dunha luz ligada a esencia mesma do ser humano, á dignidade de cada persoa.

Se queredes ler o texto ao completo, seguide o seguinte enlace:

TEXTO DE IRINA BOKOVA

Nos celebraremos esta data poñendo un pouco de poesía na nosa escola, así ao longo da semana disfrutaremos de pequenos recitais poéticos, protagonizados por alumnos e alumnas de sexto.

O programa será o seguinte:

• MARTES: Poesía para ler...
• MÉRCORES: Poesía para contar...
• XOVES: Poesía para arrolar...
• VENRES: Poesía para cantar...
  

A MÁXICA HISTORIA DO RATIÑO PÉREZ

Seguro que coñeces o Ratiño Pérez. Todas as noites percorre o mundo en busca dos dentes caidos que os nenos esconden baixo as súas almofadas, deixándolles a cambio unha moeda; pero...

a que non sabes que fai con todos os dentes que recolle?, se queres averigualo ven a Biblio e faite co libro "A MÁXICA HISTORIA DO RATIÑO PÉREZ ", atoparalo na sección de primeiros lectores:

Inda que tamén podes facer como fixeron os nenos e nenas de 1º e 2º que foron hoxe aos cines Yelmo ver " EL RATÓN PÉREZ 2 ". Se queres saber máis cousas sobre a película clikea no título da mesma e poderás averigualas:

O ENTROIDO EN GALICIA

Sabes quen son os Peliqueiros, as Pantallas, os volantes, os Escabicheiros? ... pódelo ver na seguinte presentación a ritmo da cantiga popular "Se chove" na versión do grupo Treixadura:

Presentación ENTROIDO

View more presentations or Upload your own.

Serías quen de ordear cronolóxicamente os diferentes días do Entroido tradicional? compróbao mentres escoitas o " Pasodobre dos Carballeiras"

Presentación ciclo do entroido

View more presentations or Upload your own.

MANDA A SARDIÑA !!!

Este ano cambiamos os mandatos do Meco polos da Sardiña, se queres saber o que nos manda esta semana, xa sabes, preme na imaxe:

A VOLTAS CO ENTROIDO

Unha vez máis aquí o temos, ven correndo... pero A quen lle imos botar a culpa este ano? pois á SARDIÑA. Este ano queimarémola, pero antes non se salvará do normativo xuicio:

CANCIÓN DA SARDIÑA

(coa música de Bob Esponxa)

Quen foi o culpable do frío Polar?

A sardiña, a sardiña!!

E quen en Haití fixo á xente penar?

A sardiña, a sardiña!!

Quen suspende aos nenos e fainos chorar?

A sardiña, a sardiña!!

E por todo iso, quen imos queimar?

A sardiña, a sardiña, a sardiña!!

A sardiña imos queimar!!!!!!

Androia, cacheira, cigarrón, chocas, enterro da sardiña, filloas, peliqueiro, orellas, xoves de compadres e de comadres, ... poderíamos facer un diccionario con palabras propias do Entroido. Preme na imaxe e verás canto vocabulario ao tempo que podes aprender a preparar algunhas receitas típicas desta época do ano:

CAMIÑANDO CARA A PAZ

" Ai, se eu poidese inventar

sonatas de estrelas e nubes de PAZ "

Antonio García Teixeiro

Coma xa sabedes o vindeiro 30 de xaneiro celebramos o Día Escolar pola Paz e a Non-Violencia, e para ir abrindo boca un pequeno “DECÁLOGO PARA MEDRAR EN PAZ”

1.- Eres alguén moi importante. Quérete.
2.- Podes facer moitas cousas. Coñéceas.
3.- Se tratas ben aos demáis, terás máis amigos.
4.- Sauda e despídete. Saberán cando estás con eles.
5.- Se aprendes a esperar o teu turno, xogarás mellor.
6.- Podes facer moi ben as túas tarefas. Esfórzate.
7.- Coida a túa roupa, os teus xoguetes e as túas cousas. Ocúpate delas.
8.- Se facemos algo entre todos, sairá moito mellor e tardaremos menos tempo.
9.- Sé xeneroso cos demáis, iso farate máis feliz.
10.- Se pos paz dentro de tí, teu entorno irá cambiando.

Unha pequena RECOPILACIÓN POÉTICA SOBRE A PAZ:

Se queredes coñecer quenes foron os galardonados co Premio Nobel da Paz dende a súa creación en 1901 preme na seguinte imaxe:

Para os que tedes ansias de investigador/a e queredes aprender máis cousas sobre o Día da Paz, aquí tedes esta WEB-QUEST dos compañeiros do Ceip Isaac Peral, preme na imaxe:

Aquí tedes a canción que imos cantar todos xuntos no Día da Paz, LLUVIA DE AMOR :

Agora aprende a LETRA DA CANCIÓN.


Para que vexades como celebramos no cole este día tan especial, vos deixamos esta pequena montaxe con algunha foto das actividades da xornada e fermosas palabras de PAZ.

Recomendacións para o Nadal

E por suposto, e como non podía ser menos, NO NADAL TAMÉN UN LIBRO. Se queredes ver as nosas recomendacións de Nadal, xa sabedes, preme na imaxe:

AS NOSAS ARTISTADAS DE NADAL

Durante este mes de Decembro no cole, andivemos moi atarefados preparando diferentes manualidades para vestilo cun bonito traxe navideño.

Fixemos cousas moi variadas e que quedaron realmente preciosas. Elaboramos adornos para a nosa árbore de Nadal, todos eles relacionados coa auga, porque este curso, como xa sabedes, decidimos mollarnos un pouco e coñecer todo o relacionado con ese ben tan valioso.
Nas seguintes fotos podedes ver unha mostra deses orixinais adornos e o resultado final.

Tamén, por cursos, preparáronse diferentes murais e debuxos para empapelar os pasillos, e que todo o mundo dsifrutara do NADAL.

Non podemos esquecernos da participación das familias nesta misión de vestir de Nadal o colexio. Cada un dos nosos alumnos e alumnas levou a casa unha plantilla dunha gota de auga para decorar libremente cos seus pais e nais. O resultado foi espectacular!, e agora, lucen penduradas no porche da entrada do colexio.

E así entre unha cousa e outra, chegamos ao 22 de Decembro e a presentación do noso festival de Nadal. Para que vos poidades facer unha idea de como foi, vos invitamos a disfrutar desta pequena montaxe na que se recolle algún dos momentos de dito festival.

FELICES FESTAS e que SEXADES MOI FELICES

Con N de NADAL

"Oxalá poidéramos gardar en tarros un pouco de espíritu navideño e abrir un cada mes"

Harlan Millar (profesor de ética e pensador norteamericano)

O Nadal é unha das épocas do ano favoritas para os nenos e nenas. Na maioría dos fogares recuperaremos dos trasteiros esas figuriñas coas que montaremos o tradicional nacemento, os adornos e luminaria que lucirán no abeto e os bonitos ornamentos que colgaremos de portas e fiestras.
Prepararemos con esmero o menú que presidirá as nosas mesas arredor das que a familia disfrutará dun xantar especial e cantará as típicas panxoliñas que van pasando de xeración en xeración.
Esperaremos ansiosos a chegada de Papá Noel ou a visita dos Reis Magos, que dende tempos inmemoriais deixan os seus agasallos xunto a un zapato, nun calcetín pendurado da cheminea, debaixo da árbore de Nadal,... tentando cumplir os soños e desexos que cada un de nos esperamos se fagan realidade.
Pero, metidos de cheo nestas celebracións, sabemos realmente o por qué de todos estos costumes que fan destas datas un tempo máxico e entrañable?
Para poder dar resposta a éstas e outras tradicións que se dan ao longo do mundo, podedes ollar o magnífico libro titulado "EL LIBRO DE LA NAVIDAD" de José Manuel Burgueño, que podedes atopar, se así o desexades, na nosa biblioteca, por suposto!.

E si o que queredes é coñecer os costumes propios da nosa terra, consultade os seguintes enderezos web:

galiciadigital.com
galespa.com

Dende a Biblioteca tamén a vosa Meiga Favorita quere axudar a Papá Noel e aos Reis Magos, que andan moi atarefados nestes días na escolla de agasallos, por iso unha recomendación para as vosas lecturas de Nadal, non esquezades que un libro sempre é un bo compañeiro. Pincha no enlace inferior para podelas ver.

Guía de lecturas para o Nadal

.

AQUÍ ESTAMOS DE NOVO...

Comezamos un novo curso, cheo de ilusións e novos proxectos. A Biblioteca e a Meiga Tintureira tamén se suman a esta nova andaina. Un ano no que a auga estará presente e será o fío conductor do noso traballo escolar cun proxecto titulado como sabedes "Unha gota de auga, unha gota de vida ". E para ir entrando en materia deixamosvos está montaxe elaborada pola equipa das TICS coa auga como protagonista.



Outra novidade para este curso é o recén estreado blogue da Biblioteca do noso cole, o CEIP "A Paz", que se chamará "MEIGATINTUREIRA", como se non. Tentaremos contarvos nel todo o noso quefacer arredor da lectura e da escritura.