CONTO CON OBRADOIRO: "LOS ZAPATOS DE ORUGA" THE OLD BRANCH

Nas sesión de Atención educativa e algunha de biblioteca, vimos este conto no que unha oruga nos ensina a importancia de compartir, e non tirar cousas. E tamén, o ben que senta compartir, e o feliz que fai a outros que poden servirlles. E aproveitamos para falar do que nos facemos para compartir e "reciclar e reutilizar": aproveitar cousas dos irmáns, regalar cousas que xa non empregamos a amigos e amigas, crear cousas novas con cousas vellas, etc.

Obradoiro de eirugas e bolboretas co alumnado de 4º de Educación Infantil:

Obradoiro de bolboretas do alumnado de 6º de Educación Infantil.

CONTOS DO MUNDO: UN CONTO EN FRANCÉS TITULADO "POP ARTISTE"

Comezamo esta actividade nas sesións de Atención Educativa, porque creemos que escoitar outros idiomas, cousa que lles parece moi simpatica, é outra maneira de abrirlles a mente. Ensinarlle contos que aparentemente non entenden escoitando, e que cando ven as imaxes, poden adiviñar que está pasando e o que dín os seus personaxes.

Por outra banda,  saber que todos os nenos e nenas do mundo teñen contos nos seus idiomas, algún iguais aos nosos, pero outros como este, que non está publicado en castellano ou galego, foi toda unha sorpresa. e déronse conta que temos moito que aprender de todos e todas no noso mundo.

TIVEMOS UN AGASALLO DA NOSA MEIGA TINTUREIRA PARA TODO O ALUMNADO. UN LIBRO PARA CELEBRAR A FESTA DA RECONQUISTA.

 A Meiga Tintureira, deixou nas aulas un agasallo para cada un de nós, para que coñezamos mellor a festa que imos celebrar o vindeiro luns 28 de marzo:  O libro de Amaia Mauleón e Pablo Rosendo, titulado "Cíes e Roque: OPERACIÓN RECONQUISTA". 

Moitas grazas á nosa Meiga Tintureira!

MARZO É MULLER, POR ISO XA TEMOS O NOSO RECUNCHO CUNHA PEQUENA SELECCIÓN DE LIBROS PARA DEMOSTRAR QUE SOMOS IGUAIS.

CONTO E OBRADOIROS DO ENTROIDO: "TOTÓ UN PAYASO VIAJERO" DE SARA HACHE E ILUSTRADO POR EDUARDO RODRÍGUEZ

Co alumnado de cinco anos, nas últimas sesións de Atención Educativa e Biblioteca, descubrimos que ser paiaso ou paiasa, tamén é unha profesión. E que están traballando por todo o mudo para facer rir, porque a risa axuda a ser máis felices e a tamén é unha mediciña. Por iso, traballan nos hospitais, nos países nos que os nenos, nenas e a xente maior está triste por diversos motivos e necesita un pouco de felicidade. E tamén falamos da situación que estamos a vivir no noso mundo, onde tamén están eles, para poñer un pouco de risa, de mediciña positiva, nas vidas dos que están sufrindo.

CONTO CON OBRADOIRO PARA O ENTROIDO: "LA MÁSCARA DEL LEÓN" DE MARGARITA DEL MAZO E ILUSTRADO POR PALOMA VALDIVIA.

Este entroido co alumnado de 3 anos, nas sesións de Atención Educativa e Biblioteca, falamos sobre as máscaras e a necesidade de poder expresar o que sentimos en cada momento e non ter que esconder tras da nosa mamá, papá, ou nangún lugar. Os demáis teñen que aceptarnos como somos, sempre que non lle fagamos dano. Non temos porqué pegar a ninguén, se non nos comprende ou non nos fai caso. O que temos que facer é buscar outros amigos ou algún adulto para contarlle o que nos pasa e que nos poidan axudar. Non pasa nada por non querer facer o que nos pide algún amigo ou amiga, non debemos consentir que nos obriguen. As máscaras son para xogar, non para esconderse.

CONTO CON OBRADOIRO PARA O ENTROIDO: FACENDO MÁSCARAS CON " TIMIDÓN EL REY DE LAS MÁSCARAS" DE PABLO MÉDICI.

 Este entroido co alumnado de 4 anos, nas sesións de Atención Educativa e Biblioteca, falamos sobre as máscaras e a necesidade de poder expresar o que sentimos e non ter que escondernos, non separarnos da nosa familia ou non saír da nosa casa. Todos temos que respectar aos demais como son e non burlarnos deles. Non pasa nada por non querer facer o que nos pide algún amigo ou amiga, non debemos consentir que nos obriguen. As máscaras son para xogar, non para esconderse.

ESTE ENTROIDO, A ANPA E O EQUIPO DE COCIÑA QUIXO COLABORAR CO NOSO PROXECTO DA BIBLIOTECA, E VIÑERON CUNS DISFRACES MOI DIVERTIDOS!