NOVIDADES SOBRE O PROXECTO

25 de novembro CONTRA A VIOLENCIA DE XÉNERO

O 25 de novembro conmemórase o Día Internacional contra a Violencia de Xénero, coa finalidade de denunciar a violencia que se exerce contra as mulleres en todo o mundo e abordar os esteriotipos de xénero.

Para conmemorar esta data, aquí tendes unha serie de contos que reivindican o rol feminino na sociedade, rompe cos esteriotipos sexistas e denuncia a discriminación para promover a coeducación e previr a violencia de xénero.

Non deixedes pasar a oportunidade de ler cos vosos fillos e fillas, analizar e comentar as diversas situaciòns que se amosan nestes contos!

BUZÓN DE SUXESTIÓNS

Xa temos en marcha o noso buzón de suxestións!

Animádevos a escoller unha das papeletas e facer da biblioteca un espazo mellor coas vosas propostas de lectura e ideas.

Para iso recordade ter en conta o seguinte código de cores:

- AZUL, para as propostas de mellora en relación coa organización e funcionamento da biblioteca.
- AMARELO, para propoñer diversas actividades que pensas que poidan ser interesantes.
- VERDE, se desexas que merquemos algún conto ou libro que teñas moitas ganas de ler.

Un saúdo da vosa amiga, a Meiga Tintureira.

AXUDANTES DA BIBLIOTECA

Un ano máis continuamos coa colaboración do alumnado de 5º e 6º na biblioteca!

Para o presente curso contamos con 37 alumnos e alumnas que, durante os recreos, estarán para resolver as vosas dúbidas sobre: o catálogo, o préstamo, os xogos, recomendacións, etc.

Estade moi atentos e atentas porque tamén realizarán diversas actividades de dinamización das que poderedes disfrutar próximamente.

Unha sorte poder contar con todos vós e poder facer da biblioteca un espazo de unión, interese e disfrute.

Velaquí os tendes!

"Mucha gente pequeña, en lugares pequeños, haciendo cosas pequeñas, puede cambiar el mundo" (Eduardo  Galeano)

IX XORNADAS BIBLIOTECAS ESCOLARES DE GALICIA

Nos vindeiros días celebrarase, en Santiago de Compostela, a IX edición das Xornadas de Bibliotecas Escolares. Estas xornadas convocan cada ano a un milleiro de profesoras e profesores de toda Galicia.

Acudirán numerosos profesionais que axudarán á reflexión sobre os novos retos que afrontan as bibliotecas escolares tendo en conta a diversidade do alumnado e as múltiples posibilidades que temos a nosa disposición na actualidade.

Unha oportunidade para seguir aprendendo, compartindo ideas e experiencias con outros centros educativos e diversos profesionais; sen perder de vista a temática deste ano: A POESÍA.

Recuncho de Ciencia

Hoxe recibimos unha nova mensaxe da Meiga Tintureira:

Con moita ilusión e curiosidade descubrimos un novo recuncho na biblio: O RECUNCHO DA CIENCIA! Nel podedes atopar numerosos libros sobre experimentos, sobre a luz, a electricidade, a enerxía, a reactividade...e información acerca de diversos científicos e científicas como Isaac Newton, Einstein, Marie Curie, etc. que cos seus descubrimentos e investigacións cambiaron o noso mundo.

Non vos perdades esta oportunidade de descubrir, investigar e experimentar coa Ciencia!

Apertas da vosa amiga, a Meiga Tintureira.

Mochilas viaxeiras en marcha!

Un ano máis as mochilas viaxeiras xa están de volta! Esta vez unhas mochilas repletas de novos contos, poesías, manualidades e películas.

Unha actividade para disfrutar en familia que esperamos sexa do voso agrado.

Disfrutádeas e recordade cubrir as enquisas xa que a vosa opinión é moi importante!

Apertas da vosa amiga, a Meiga Tintureira.

Feliz Samaìn!

Con esta nube de palabras, a Meiga Tintureira desèxavos un feliz Samaìn!

NOVIDADES SOBRE O SAMAÍN E CONTOS DE MEDO

RECUNCHO DE SAMAÍN E CONTOS DE MEDO!

Hoxe comezamos a xornada cunha escalofriante mensaxe da Meiga Tintureira:

“NOVO RECUNCHO NA BIBLIOTECA: CONTOS DE SAMAÍN E DE MEDO. ATRÉVESTE?

Algúns nenos e nenas xa aproveitaron para achegarse e descubrir un sinfín de novidades monstruosas  para quen queira rirse do medo, disfrutar do medo, superar os seus medos, investigar sobre a orixe e historia do Samaín e, en definitiva, adentrarse nun novo mundo que, aínda que pareza que non, continúa máis vivo que nunca!

Unha actividade realizada en colaboración co equipo de Dinamización da Lingua Galega que non vos podedes perder e que terá máis sorpresas e...SUSTOS!

DÍA DAS BIBLIOTECAS ESCOLARES

     Hoxe, 24 de outubro, é un día moi importante para as bibliotecas, xa que se conmemora o Día das Bibliotecas Escolares. 

      Desde outubro de 2008, a Consellería de Educación edita un cartel específico para celebrar este Día da Biblioteca tamén nas Bibliotecas Escolares, cun lema para dar a coñecer e difundir as múltiples oportunidades que ofrece unha biblioteca escolar activa, e que este ano foi interpretado pola ilustradora Nuria Díaz.

      Se pinchades no cartel podedes atopar todos os carteis adicados ao DIA DAS BIBLIOTECAS ESCOLARES

INAUGURACIÓN!

INAUGURACIÓN DA BIBLIOTECA ESCOLAR

Esta semana recibimos a preciada carta da nosa Meiga Tintureira. Nela contounos a temática que imos traballar este curso no que tinguiremos a nosa escola de moito verde!

O noso lema será: "BOTÁMONOS AO MONTE" polo que xa comezamos a traballar e a ler sobre os nosos bosques, montes, a natureza, etc.

O mércores e o xoves comezamos cunha mensaxe moi especial e cun cofre misterioso nas portas da escola e da biblioteca!

Os alumnos e alumnas de 5 anos foron os primeiros en visitar a biblioteca este curso. Encantoulles o corto titulado "Árboles y flores".

Os nenos e nenas de 3 e 4 anos estiveron encantados na biblioteca descubrindo un novo espazo da nosa escola. Ademais cantaron, bailaron e decoraron unhas follas para a nosa árbore.

En 1º de Primaria, colaboraron coa decoración da nosa árbore e disfrutaron dun fragmento da película "Fantasía" de Walt Disney. 

Os nenos e nenas de 2ºA e 2ºB aproveitaron para escoller os contos sobre o monte máis grandes e máis coloridos. Neles descubriron un montón de especies de árbores descoñecidas e moitas curiosidades para investigar.

 Os alumnos e alumnas de 3º foros os madrugadores do xoves, xa que foron os primeiros da mañá en acudir a biblioteca. Disfrutaron de todas as actividades dentro da biblio, en especial coa canción "Cos pés na terra"de Brinca Vai. Foron o grupo máis cantareiro sen dúbida!

En 4º ríronse moito co vídeo da canción de Paco Nogueiras, leron moitísimo sobre o monte, aprendendo a coidalo e respetalo .

En 5º estiveron moi atentos ao fragmento da película, sen perder de vista o cofre. Que terá no seu interior?

Finalizamos a inauguración coa visita dos alumnos e alumnas de 6ªA e 6ºB, os cales aplaudiron con estusiasmo as mensaxes da Meiga Tintureira sobre o monte e o seu coidado.

FORON DOUS DÍAS ESTUPENDOS NOS QUE A MEIGA TINTUREIRA, MOSTROUNOS UN SIN FIN DE NOVIDADES E DE NOVOS ESPAZOS PARA PODER DISFRUTAR DA NOSA BIBLIOTECA.

ADEMAIS INVITOUNOS A DESCUBRIR E VALORAR MÁIS AÍNDA OS NOSOS MONTES PORQUE SON A CASA DE TODOS E DE TODAS!!