XA SABEMOS PARA QUE SON AS ENTRADAS QUE NOS DERON ONTE NO COLE!!!!

Claro, a Meigatintureira Tintureira quere levarnos ao cine con ela, para eso esran as entradas, mirade o cartel que apareceu nos pasillos da escola:

ENTRADAS PARA O CINE...

Hay que estar atentos, esto non é moi normal!!! A Meigatintureira sempre nos manda unha carta a principios de curso onde nos conta as cousiñas que lle aconteceron durante o verán,  este ano.....envíanos ás clases ENTRADAS PARA O CINE......Que extrano!!!

UN NOVO CARTEL.....E UN ANO MÁIS

 

Biblioteca escolar... matemático!!! é o lema elixido este ano para o cartel da campaña de comezos de curso nas bibliotecas escolares galegas. A Consellería de Cultura, Educación e Ordenación Universitaria continúa así a liña iniciada no pasado curso, coa que se pretende incidir na función da biblioteca como apoio ás necesidades das distintas áreas de aprendizaxe. Nesta ocasión, o lema xoga a salientar o papel imprescindible da biblioteca escolar e, ao tempo, quere lembrar a necesidade de espertar o interese polas matemáticas, achegándose a elas de forma natural e incitando a descubrir a súa presenza na natureza e nos obxectos que nos rodean. 

O ilustrador David Pintor foi o encargado de poñer imaxe ao lema desta campaña, que se sumará aos seis correspondentes das edicións dos anteiores anos que imos colocando no rellano da nosa Biblioteca.

LECTURAS TAMÉN NO METRO !!

Sabedes que é o metro, pois resulta que é unha desas palabras denominadas na gramática como POLISÉMICAS, e pode referirse a unha unidade de medida, cando falamos de que a nosa clase mide uns 8 metros de lonxitude, ou ben dun medio de transporte subterráneo utilizado nas grandes cidades como é o caso en España de Madrid. E preguntarédesvos:

E ISO QUE TEN QUE VER COA LECTURA? 

Pois ben, mirade que idea se lles ocurriu nesta cidade!, nos vagóns do metro poñen fragmentos literarios de autores/as e...

de paso que viaxas, tamén PODES LER!!! 

NORABOA DENDE O NOSO HUMILDE PORTAL A ESTA INICIATIVA!!! 

Aquí vos deixo algunhas historias se queredes curiosear máis:

ESTE ANO VAI DE CINE!!

Non o credes?....pois sí,sí, e este video con logotipos cinemátográficos é boa proba delo... polo tanto ídevos preparando que por ahí debe estar de camiño a carta da nosa benquerida Meigatintureira.

VISITA A BIBLIOTECA CENTRAL

Dentro do programa de formación de usuarios da biblioteca do colexio inclúense varias visitas á Biblioteca Central de Vigo, tanto do alumnado de Infantil coma do de Primaria. Nesta ocasión foron os máis pequenos os que coñeceron a citada biblioteca e participaron nas actividades preparadas para eles.

.

COAS MANS NA MASA

A última proposta do programa "Cociña de contos" foi dirixida ao alumnado de 4º de Primaria. Tras a escoita do conto "Maruxa" de Eva Mejuto e Mafalda Milhoes, da editorial OQO, os rapaces e rapazas amasaron e deron forma e cor as súas "creacións". 

CONTOS A PEDIR DE BOCA

Nesta segunda sesión do programa de Qontarte, os alumnos e alumnas de infantil escoitaron varios contos a petición deles. Despois remataron cun obradoiro de plástica  relacionado coa alimentación. 

EUROPA Á CARTA

Un ano máis o noso alumnado está a participar na campaña QONTARTE 2014, patrocinada polo departamento de Educación do Concello de Vigo e en colaboración coa editorial OQO.

A primeira proposta desta campaña foi un obradoiro  titulado " Cociñando contos" no que o alumnado de sexto de Primaria coñeceu varios países europeos a través dunha viaxe pola súa gastronomía. Non só aprenderon o nome dos seus platos máis típicos, senón que elaboraron un menú, calcularon os prezos e investigaron propostas de ocio.

CONTACONTOS: XAN DAS ONDAS

Grazas á colaboración do ANPA puidemos comenzar a celebración do Día das Letras Galegas escoitando a historia de Xan das Ondas, representada polo grupo Barafunda. Así coñecimos a Xan, un rapaz ao que lle gustaba moito o mar e que, para devolverlle as súas ondas, emprendeu unha gran aventura.

O NENO E A ESTRELA

"O neno e a estrela" é o título dun conto editado polo colectivo Fabaloba que trata sobre Díaz Castro de neno. Este conto inspírase no seu libro de poemas NIMBOS. Paga a pena que o leades. Para facelo, premede sobre a imaxe.

... E ESTE CONCURSO REMATOU

MOITAS GRAZAS POLA VOSA PARTICIPACIÓN E ...ATA O CONCURSO QUE VÉN!

Concurso Letras 2014 -

 

A resposta é: TRADUTOR