MÉRCORES LECTORES COS CINCO

      A nosa compañeira Raquel, foi a protagonista do mércores lector desta semana. Presentou una obra que case que todos/as limos cando eramos moi pequenos, fai unha ceha de anos. Esta colección estase a editar de novo e segue tendo os seus seguidores, como é o caso de Raquel de 6º que os está a leer todos.Trátase da colección de Los cinco da autora inglesa Enid Blyton polo que o seu título orixinal foi : The Famous Five. Foi escrita nas décadas dos anos 40, 50 e 60 do século XX onde se converteu na colección de literatura xuvenil  máis famosa daquela época.

Grazas Raquel pola túa colaboración.!!!

          Animádevos e pedídelle á profe Mª José para anotarvos e presentar al vosas suxestións lectoras, aqueles libros que máis vos gustan e queredes compartir cos vosos compañeiros/as.

8 DE MARZO, DIA INTERNACIONAL DA MULLER.

        Célebres cantantes e músicos procedentes de todo o mundo, dende China ata Costa Rica, dende Malí a Malasia, mulleres e homes, para facer esta mensaxe de unidade e solidaridade: somos “One Woman”, unha soa muller. 

        Esta canción,  presentarase no Día Internacional da Muller, o 8 de marzo de 2013. Este ano, o Día Internacional da Muller centrase en poñer fin á violencia contra as mulleres. Como dice la canción, “We Shall Shine!”,  esperanos un futuro radiante.  

TEATRO NA BIBLIO.

         Onte recibimos no centro a visita dos  neno/as de 2 anos da Escola infantil Lúa. Coma xa empeza a ser costume a Bilioteca tamén colabora con esta xornada de convivencia cunha pequena obra de teatro. Este ano tratouse dunha adaptación do conto " Coelliño branco " da editorial Kalandraka. Unha sinxela, pero simpática obriña que pola atención prestada encantoulles a todos.

       Deixámosvos aquí tamén outra versión do conto a ritmo de rap cantado polo alumnado do ceip de Coirón Dena:

ROSALÍA de CASTRO

O 24 de febreiro celebramos o 176 aniversario do nacemento da nosa querida Rosalía. Celebrarémolo o próximo xoves cun recital simultáneo en todas as clases dos poemas de Rosalía na hora de ler, despois do recreo. Xa vos iremos informando de máis novas.

MÉRCORES LECTORES CON MANOLITO GAFOTAS

       Este mércores, o noso compañeiro Yago presentounos unha colección bastante coñecida entre todos vos: MANOLITO GAFOTAS. A serie creada pola autora ELVIRA LINDO foi Premio Nacional de Literatura Juvenil e o ilustrador EMILIO URBERURAGA, premio Nacional de Ilustración. Unha serie que grazas á sua popularidade foi adpatada ao cine e a TV.
   

 

          Se queredes saber como lle xurdiu a idea á autora de facer uns libros sobre Manolito Gafotas, podedes ver o seguinte video:

APRENDE A BUSCAR NA REDE......CON EFICACIA

          Unha ferramenta para aprender a buscar dende o maremagnun que é a REDE e o mundo de internet. Moi útil para O ALUMNADO, PROFESORADO, FAMILIAS.... para todos en xeral. Gracias dende o blogue da Meigatintureira polo fantástico traballo colaborativo das coordenadoras das Bibliotecas Escolares do CEIP Milladoiro de Malpica e do IES Sanchez Cantón de Pontevedra. GRAZAS POR COMPARTIR!!!

 

O CICLO DO ENTROIDO... CANTAS GANAS DE FESTA !!!

     Se queredes aprender cando comenza o Entroido, que se fai e se celebra cada un dos días, clica na seguinte presentación sobre 

O CICLO DO  ENTROIDO 

CHEGA O ENTROIDO...E CON EL A FESTA !!!

      En Galiza os Entroidos son unha das festas máis significativas, se queredes saber máis detalles acerca dos mesmos: onde se celebran, as diferencias entre uns e outros... clica na seguinte presentación sobre 

        OS ENTROIDOS EN GALICIA: 

PROPOSTAS COLABORATIVAS PARA A SEMANA DA PAZ

O alumnado de Ed. Infantil traballou a partir do conto de Nadarín de Leo Lionni. Para os/as que queirades recordalo, clica na imaxe:

PARA LER E TRABALLAR EN PAZ

No noso entorno atopamos moitas persoas que traballan e loitan por facer un mundo mellor, por facer do seu entorno un lugar onde todas as persoas poidan vivir a gusto.
Unha desas persoas foi  Wangari Maathai:
Enlazamos esta actividade LIM do conto de  " Wangari e as árbores da PAZ " co que traballaremos este ano en Primaria. Pertence ao Blog colectivo: ACTIVIDADES LIM feito pola profesora Belén Junquera. Moitas grazas.

Grazas tamén aos compañeiros da Biblioteca Escolar co ceip Victor Saenz:

Seguro que Wangari aprendeu coma vos moitas cancións da súa nai cando era pequena, aqui vos deixo esta para que vaiades aprendendo a ritmo de karaoke esta fermosa canción africana:

...VISITAMOS A BIBLIOTECA NODAL

         O alumnado de 4º visitou a Biblioteca Nodal de Vigo que está situada no casco vello da nosa cidade. Se queres coñecer máis sobre ónde está situada, como é o edificio...

Podes ver tamén a galeria de imaxes se clicas na seguinte foto:

 

EN CABÁRCENO SE OYE CANTAR

Quen canta?....onde?...pois na nosa Biblioteca.....cantamos e non vexades como e con quen? 

Pois a  verdade é que contamos coa visita de Susa Herrera presentando o seu novo libro:

EN CABÁRCENO SE OYE CANTAR. Un fermoso libro de cancións sobre animais ilustrado polas fermosas e características imaxes de Violeta Monreal. Pero que qué pinta ese nome de Cabárceno por aquí? Pois é o nome dun zoo de Santander onde poderás atopar todos os animais dos que se fala no libro.

Aquí vos deixamos o enlace para que poidades ver a galería de fotos e un pequeno video cunha das cancións do libro.

 http://www.edu.xunta.es/centros/ceipapaz/galeria/displayimage.php?album=59&pos=17

         DENDE A BIBLIO DA MEIGATINTUREIRA              

GRACIÑAS SUSA!!!!!!!!