PROPOSTAS COLABORATIVAS PARA A SEMANA DA PAZ

O alumnado de Ed. Infantil traballou a partir do conto de Nadarín de Leo Lionni. Para os/as que queirades recordalo, clica na imaxe:

PARA LER E TRABALLAR EN PAZ

No noso entorno atopamos moitas persoas que traballan e loitan por facer un mundo mellor, por facer do seu entorno un lugar onde todas as persoas poidan vivir a gusto.
Unha desas persoas foi  Wangari Maathai:
Enlazamos esta actividade LIM do conto de  " Wangari e as árbores da PAZ " co que traballaremos este ano en Primaria. Pertence ao Blog colectivo: ACTIVIDADES LIM feito pola profesora Belén Junquera. Moitas grazas.

Grazas tamén aos compañeiros da Biblioteca Escolar co ceip Victor Saenz:

Seguro que Wangari aprendeu coma vos moitas cancións da súa nai cando era pequena, aqui vos deixo esta para que vaiades aprendendo a ritmo de karaoke esta fermosa canción africana:

...VISITAMOS A BIBLIOTECA NODAL

         O alumnado de 4º visitou a Biblioteca Nodal de Vigo que está situada no casco vello da nosa cidade. Se queres coñecer máis sobre ónde está situada, como é o edificio...

Podes ver tamén a galeria de imaxes se clicas na seguinte foto:

 

EN CABÁRCENO SE OYE CANTAR

Quen canta?....onde?...pois na nosa Biblioteca.....cantamos e non vexades como e con quen? 

Pois a  verdade é que contamos coa visita de Susa Herrera presentando o seu novo libro:

EN CABÁRCENO SE OYE CANTAR. Un fermoso libro de cancións sobre animais ilustrado polas fermosas e características imaxes de Violeta Monreal. Pero que qué pinta ese nome de Cabárceno por aquí? Pois é o nome dun zoo de Santander onde poderás atopar todos os animais dos que se fala no libro.

Aquí vos deixamos o enlace para que poidades ver a galería de fotos e un pequeno video cunha das cancións do libro.

 http://www.edu.xunta.es/centros/ceipapaz/galeria/displayimage.php?album=59&pos=17

         DENDE A BIBLIO DA MEIGATINTUREIRA              

GRACIÑAS SUSA!!!!!!!!

OUTRAS BIBLIOTECAS...

          Claro que nos encanta a biblioteca da Meigatintureira, pero aquí tedes outras doutras cidadades máis grandes e dende logo impresionantes:

  

CALENDARIO DO LIBRO E DA LECTURA 2013

           A Consellería de Cultura, Educación e Ordenación Universitaria ven de publicar un calendario para este ano 2013 onde aparecen as datas máis considerables para celebrar ao longo do ano 2013. Nel terán lugar diversos aniversarios significativos para a literatura galega e conmemoracións habituais arredor do libro e da lectura.

.          Un fermoso cartel que nos acompañará durante este ano que comeza!!!

PARA A SEMANA DE NADAL

NÓS TAMÉN NOS SUMAMOS

        Inda que non é un tema específico nin de libros, nin  de Bibliotecas escolares, a primeira vista. Dende a Biblioteca da Meigatintureira tamén nos sumamos áo blogue do noso compañeiro de 4º " Eh profe! " e enlazamos este spot publicitario de Cáritas:

 

            E queredes saber por que? pois porque é responsabilidade de todos que o noso alumnado sexa competente na lectura en diversos soportes, e por suposto no audiodixital: O noso alumnado ten que aprender a leer nos medios, a saber que queren expresar, a ser crítico con eles.
          
            Entre todos/as podemos facer que as cousas sexan diferentes, que cambien, que sexan mellores, ahí está esa campaña de recollida de alimentos do cole para Cáritas. So fai falla que  miremos ao noso arredor, seguro que podemos botar unha man. E non so no Nadal.

GUÍA DE LECTURAS PARA O NADAL

Aquí chegan as suxestións lectoras da Meigatintureira:

12 DO 12 DO 12 ÁS 12 E 12

        Que qué é esto?  pois é que as veces hai días especiais, por cousas varias e a de hoxe xa é casualidade. Esta mañá cando puxéchedes a data nas libretas de clase seguro que vos decatáchedes:

12-12-12. 

       Unha data irrepetible. Para celebralo o profe Luis convocou a través do seu blog á súa clase para celebralo na Biblioteca, a voz correuse e ao final éramos unha chea deles/as. Para preparar os ánimos, un conto: "El elefante no puede dormir " de Ed. Blume, un  fermoso conto tradicional chino.

MARILUZ A AVESTRUZ...

MARILUZ, QUE NON MIRA A LUZ,

MARILUZ A AVESTRUZ !!

Os pais de Enma de Infantil de 3 viñeron a contarlles aos seus compañeiros o conto de " Mariluz, a avestruz " de Rachel Chaundler con ilustracions de Bernardo Carvalho de OQO. Mirade que fermosa Avestruz nos trouxeron e ata unha pegatina coa protagonista nos deixaron. Para os que queirades lembrar o conto, con canción incluida, desta presumida avestruz que para non desfacer a súa cola durmía coa cabeza enterrada, podedes velo a continuación:

VISÍTANOS O BARDO ABELARDO

        

Sabedes que é un Bardo? Unha persoa que dende a antigüedade vai dun lugar a outro contando e cantando historias.. un personaxe casi desaparecido na nosa sociedade pero un dos poucos que quedan, O Bardo Abelardo, visitou a nosa Biblioteca e os rapaces e rapazas de Ed. Infantil pasaron un rato moi entretido cos seus contos, cancións...