CHEGARON AS VOSAS PETICIÓNS...

...DO BUZÓN DE SUXESTIÓNS!!

Hoxe recibimos unha nova mensaxe da Meiga Tintureira:

Durante o recreo, os nenos e nenas recomendaron e explicaron aos seus compañeiros cal fora o libro ou conto que pediran no buzón de suxestións; fixéronnos un breve resumo do mesmo, lèronnos un pouquiño e despertaron en nós moitas ganas de lelos.

Aquí tendes unha reportaxe dos mellores momentos!

Disfrutade moito destas novidades e recordade seguir aportando ideas e iusións coas vosas peticións no buzón!



Apertas da vosa amiga, a Meiga Tintureira.

DÍA DE ROSALÍA

O pasado venres festexamos o Dìa de Rosalìa de Castro na nosa escola.

Comezamos a xornada escoitando às 9:15 "Rosalìa pequeniña" de Uxìa Senlle, canciòn que nos anunciou o gran dìa.

Preme no seguinte enlace para poder escoitala: “ROSALÍA PEQUENIÑA” 

Os nenos e nenas de Infantil, primeiro e segundo de Primaria, participaron nun recitado de diversos poemas de escritores galegos na biblioteca.

Entre os poemas, destacaron poemas coma: "Caracol Caracoleiro", "O paspallàs e o sol", "Piñeiros", "A rapazada no monte", Cuco cuquiño", "Unha barquiña dourada", "Mira como pasa o río", etc.

Por outra banda, os alumnos e alumnas de terceiro, cuarto, quinto e sexto de Primaria, tamèn festexaron o dìa de Rosalìa buscando informaciòn sobre a mesma e recitando poemas na sùa aula.

Unha actividade organizada polo equipo de Dinamizaciòn da Lingua Galega,  xunto coa colaboraciòn do equipo de Dinamizaciòn da Biblioteca Escolar.

Preme no seguinte enlace e disfruta do vídeo: RECITADO DE POEMAS

Unha aperta da vosa amiga, a Meiga Tintureira.

TENDAL DO AMOR

Esta semana na biblio xa tendes expostas as vosas mensaxes de amor colgadas ao sol!

Pasade a ler as diversas mensaxes de amor, de amizade, de agradecemento...e desfrutade do noso tendal cheo de emocións e de palabras fermosas.

E...quen sabe! Quizais haxa unha mensaxe para algún de vós! Non vos quededes coas ganas de descubrilo!

Moitos bicos da vosa amiga, a Meiga Tintureira.

Mensaxes de amor

Ao longo desta semana os nenos e nenas de Educación Primaria e Educación Infantil, pasarán pola biblio para deixar unha mensaxe de amor, de cariño, unhas palabras bonitas para os seus seres queridos, a súa mascota, aos seus amigos e amigas, etc.

De 1º de Primaria a 6º, deberán escribir a súa mensaxe nun folio de cor vermello e depositalo no noso cofre; mentres que os nenos e nenas de Educación Infantil, deberán decorar uns beizos utilizando diferentes técnicas.

Finalmente, con todos os beizos e  mensaxes de amor, realizaremos unha exposición na biblio chea de sentimentos.

Non perdades esta oportunidade de dicirlle a esa persoa especial o que pensas, o que sintes ou de darlle as grazas por formar parte do teu día a día.

Moitos  bicos da vosa amiga, a Meiga Tintureira.

RECUNCHO DO AMOR!

NAMÓRATE DA BIBLIOTECA!

Por se todavía non o estabas...NAMÓRATE DA BIBLIOTECA!

Pásate pola biblio nos recreos, cos teus mestres ou coa túa familia e...descubre un novo recuncho cheo de sentimentos, sensibilidade, cariño e moito amor.

Unha vez máis, a Meiga Tintureira, non deixa de sorprendernos. Esta vez, cun novo espazo repleto de contos con fermosas historias que desexan cobrar vida.

Aproveita para descubrir que é o amor, os tipos de amor que existen, de que cor son os besos, como conviven unha xirafa e un crocodilo namorados, o amor co paso do tempo...

En definitiva, aproveita para NAMORARTE DA BIBLIOTECA, DOS SEUS CONTOS E DAS SÚAS HISTORIAS!

   

O BOSQUE DOS DESEXOS, DESEXOS PARA O BOSQUE

Ao longo desta semana, os nenos e nenas de Primaria pasaron pola biblioteca para deixar un desexo adicado aos nosos montes.

Primeiro, recordamos como están a día de hoxe os nosos montes, como nos gustaría que estivesen e que poderíamos facer nós para cambialo.

Finalmente, pensamos o noso desexo, o escribimos nun Pos-it e o colocamos nas pólas das diferentes árbores do noso mural da entrada da biblio.

E...desexo a desexo...creamos un bosque cheo de boas peticións que esperamos que se fagan realidade coa colaboración de todos e todas!

Aquí tedes algún exemplo!

                   

DÍA ESCOLAR DA PAZ E A NON VIOLENCIA

Que este día e todos os que quedan por vir, traian consigo estas fermosas palabras en forma de pomba:

 ACORDO , XUSTIZA, DIÁLOGO, UNIÓN, PACTO, CALMA, AMIZADE, CONCILIACIÓN, RESPECTO, XUSTIZA, ALIANZA, AMOR...

PRÓXIMAMENTE... RECREOS DE CONTO!

RECUNCHO DOS ORDENADORES ABERTO!

Esta semana seguimos con novidades e melloras na biblio. Por fin temos o recuncho dos ordenadores aberto e en funcionamento para todos os nenos e nenas que durante o recreo ou polas tardes, desexen buscar información, adentrarse na páxina da escola ou nos diferentes blogs da mesma para estar á última nos acontecementos de Tintureira, ademais de poder xogar a través dos diferentes links.

Para un bo uso e funcionamento deste recuncho, é moi importante ter presentes as normas que a Meiga Tintureira foi ideando con moito coidado e agarimo durante o primeiro trimestre.

Por iso que...velaquí as tendes!

RECORDA QUE...

SÓ PODERÁS NAVEGAR POLOS ACCESOS DIRECTOS QUE TEDES NO ESCRITORIO

TES QUE AVISAR AOS MESTRES OU AXUDANTES DA BIBLIOTECA PARA QUE TE ANOTEN NA FOLLA DE REXISTRO E CHE ADXUDIQUEN UN ORDENADOR

E por último, uns consellos á hora de navegar por Internet que debes ter moi presentes:

Unha aperta da vosa amiga, a Meiga Tintureira.

DEREITOS DAS ÁRBORES

Aínda que as árbores non falen e non se movan, teñen uns dereitos que debemos respectar porque, coma nós, tamén son seres vivos!

E recorda que...QUEN TEN UNHA ÁRBORE, TEN UN TESOURO MOI NATURAL!

ACTUALIZACIÓN DAS NORMAS DA BIBLIOTECA

Esta Meiga Tintureira está moi ilusionada este curso coa nosa biblio e non deixa de traernos novidades de todo tipo!

Esta vez...UNHAS NOVAS NORMAS PARA A BIBLIOTECA! 

Seguro que coa finalidade de que funcione mellor aínda, sabendo todos e todas o que podemos facer na mesma.

Recorda que a biblioteca é un espazo, dentro da escola, por e para todos/as! Por iso non esquezas coidala e respectala.


Un saúdo, da vosa amiga, a Meiga Tintureira.